Enw’r tyst/sefydliad	Cais y Pwyllgor	Ymateb y tyst/sefydliad
Karen Samuels, Grŵp Strategaeth Feddyginiaethau Cymru Gyfan	Nododd Ms Samuels fod yr Uned Cymorth Presgripsiynu Dadansoddol Cymru wedi bod yn monitro'r defnydd a wneir o feddyginiaethau a arfarnwyd gan AWMSG a NICE, a chytunodd i rannu'r papur yn amlinellu canlyniadau'r monitro hwnnw gyda'r Pwyllgor.	Gellir gweld copi o’r papur yma. (MT – AI1 ar y wefan).
Dr Phil Webb, Pwyllgor Gwasanaethau Iechyd Arbenigol Cymru	Cytunodd Dr Webb i ddarparu nodyn i'r Pwyllgor yn amlinellu un argymhelliad allweddol y byddai Pwyllgor Gwasanaethau Iechyd Arbenigol Cymru yn ei wneud i'r Pwyllgor mewn perthynas â gwella'r mynediad at dechnolegau meddygol yng Nghymru a sut y gellid cyflawni hyn.	Gellir gweld copi o’r nodyn yma. (MT – AI2 ar y wefan).
Emma Greenwood, Ymchwil Canser y DU	Rhoddodd Emma Greenwood wybod i'r Pwyllgor am y cydweithrediad diweddar rhwng Cancer Research UK a GIG Lloegr a oedd yn gofyn i grwpiau perthnasol o fewn y diwydiant sut roeddent yn rhagweld maes radiograffeg mewn deng mlynedd. Cytunodd Ms Greenwood i rannu gwybodaeth am y gwaith hwn gyda'r Pwyllgor.	Gellir gweld copi o’r gwaith yma. (MT – AI3 ar y wefan).

Buddug Cope, Cynghrair Geneteg y DU	Cytunodd Buddug Cope i roi gwybodaeth i'r Pwyllgor am y cyswllt rhwng rhaglen technoleg iechyd NICE a Rhwydwaith Profi Geneteg y DU (UKGTN). Cytunodd Ms Cope hefyd i roi eglurhad pellach i'r Pwyllgor am y gydberthynas rhwng cymeradwyo profion newydd gan UKGTN a'u comisiynu wedyn gan GIG yr Alban.	Gellir gweld copi o’r ymateb yma. (MT – AI4 ar y wefan).
Lars Sundstrom, Rhwydwaith Gwyddoniaeth Iechyd Academaidd Gorllewin Lloegr	Cytunodd Lars Sundstrom, Rhwydwaith Gwyddorau Iechyd Academaidd Gorllewin Lloegr, i ddarparu nodyn ar y system newydd sydd wedi'i chyflwyno yn Lloegr (sydd ar gael i sefydliadau yng Nghymru), sy'n caniatáu mynediad at gyllid ac yn rhoi ffordd o gomisiynu gwaith ymchwil a datblygu drwy'r system gofal iechyd.	Gellir gweld arolwg o’r system yma. (MT – AI5 ar y wefan).
Dr Nazia Hussain, Coleg Brenhinol yr Ymarferwyr Cyffredinol Cymru	Dywedodd y Dr Nazia Hussain y byddai'n darparu: - nodyn am y modd y mae Coleg Brenhinol yr Ymarferwyr Cyffredinol yn ystyried llais cleifion wrth ddatblygu ei ddulliau gweithredu yn achos technolegau ac arloesedd, a'r modd y mae'r Coleg yn credu y dylai llais cleifion gael ei ystyried yn y broses arfarnu a chomisiynu; - nodyn yn egluro a yw'r defnydd o dechnolegau meddygol yn rhan o'r broses ailddilysu ar gyfer meddygon teulu, neu a fydd yn rhan o'r broses.	Gellir gweld copi o’r nodyn yma. (MT – AI6 ar y wefan).